Թուրքիայում արտակարգ դրություն հայտարարվելուց երկրում տնտեսական բարեփոխումների համար անհրաժեշտ է ընդդիմության աջակցությունը։ Նման հայտարարություն է արել Թուրքիայի փոխվարչապետ Մեհմեդ Շիմշեքը։
Թուրքական Ajanshaber կայքի փոխանցմամբ՝ Թուրքիայի փոխվարչապետ Մեհմեդ Շիմշեքն անդրադարձել է արտակարգ դրության բացասական կողմերին՝ շեշտելով, որ իշխանություններն ամեն ինչ անելու են, որ տնտեսության վրա այն բացասական չազդի։
«Իսկ տնտեսական բարեփոխումների համար անհրաժեշտ է ընդդիմության աջակցությունը։ Ինչ վերաբերվում է տուրիզմին, պետք է ասեմ, որ չնայած դժվարություններին, ավելի վատ պատկեր չեմ կանխատեսում։ Տուրիզմի զարգացման համար անհրաժեշտ միջոցառումներ արել ենք ու կանենք»,–ասել է Մեհմեդ Շիմշեքը։
Նշենք, որ Թուրքիայի նախագահ Ռեջեփ Թայիփ Էրդողանը հայտարարել է, թե Թուրքիայում 3 ամսով արտակարգ դրություն է հայտարարվում՝ պայքարելու պետության ներսում գտնվող ավազակախմբերի դեմ։
