Լեռնային Ղարաբաղի խնդրի կարգավորման գործին Թուրքիայի կամ որեւէ այլ պետության միանալը կախված է բանակցային գործընթացում այդ երկրի կառուցողական ներդրումից։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Ինչ վերաբերում է ղարաբաղյան հակամարտության, ինչպես նաեւ ցանկացած այլ հակամարտության խաղաղ կարգավորման կամ բանակցային գործընթացին, ապա խոսքը կարող է վերաբերել ոչ միայն Թուրքիայի միանալուն։ Ցանկացած կառուցողական աջակցություն կարելի է դիտարկել հենց այդ տեսակետից՝ որպես կառուցողական համագործակցություն։ Եթե պետությունը դրական առումով ավելացնելու բան ունի, ինձ թվում է, որ այստեղ ոչ մի խնդիր չի կարող լինել։ Բայց եւս մեկ անգամ եմ ասում, եթե խոսքը կառուցողական ավանդի մասին է»,– մեջբերում է Զախարովայի խոսքը «ՌԻԱ Նովոստի»–ն։