Թուրքիայի նախագահի կողմից խորհրդարանին ներկայացված 3 ամսով արտակարգ դրություն սահմանելու մասին որոշումն ընդունվել է։
Թուրքական Cumhuriyet–ի փոխանցմամբ՝ խորհրդարանում արտակարգ դրություն մտցնելու որոշմանը կողմ են քվեարկել «Արդարություն եւ զարգացում» ու «Ազգայնական շարժում» կուսակցությունները, իսկ դեմ՝ «Ժողովրդա–հանրապետական» եւ քրդական «Ժողովուրդների դեմոկրատական» կուսակցությունները։
Որոշումն ընդունվել է 344 կողմ եւ 115 դեմ ձայներով։
Նշենք, որ թուրքական իշխանությունները հայտարարել են, թե արտակարգ դրությունը չի ազդի քաղաքացիների առօրյա կյանքի վրա, քանի որ այն ուղղված է պետության ներսում գտնվող ավազակախմբերին հայտնաբերելուն։