Նիսում մարդկանց բազմության մեջ մխրճված բեռնատարի վարորդ Մուհամմեդ Բուհլելը հարձակմանը պատրաստվել էր նախապես։ Այս մասին ասել է դատախազ Ֆրանսուա Մոլինը։ Նրա խոսքով՝ թունիսցի վարորդը համախոհներ է ունեցել, փոխանցում է AFP–ն։

Մասնավորապես նրանցից մեկը տեսագրել էր հանցագործության վայրը սպանդի հաջորդ օրը։ Մոլինի խոսքով՝ հարձակման նախապատրաստությանը մասնակցել է 4 մարդ եւ 1 կին։ Նրանք բոլորը կալանավորված են։ Նա նաեւ նշել է, որ Բուհլելի հեռախոսի ուսումնասիրությունը ցույց է տվել, որ նա հարձակմանը պատրաստվում էր 2015 թվականից։

Հիշեցնենք, որ Նիսում Բաստիլի գրավման օրվա միջոցառումների ժամանակ ահաբեկչությունից զոհվել էր 84 մարդ, ավելի քան 100-ը՝ վիրավորվել։