Մոսկվայի իր բնակարանում սպանված են գտել «Ռոսիա 1» հեռուստաալիքի օպերատոր Անդրեյ Նազարենկոյին։ Նրա մարմնի վրա հրազենային վիրավորումներ են եղել, հայտնում է «360» հեռուստաալիքը՝ վկայակոչելով իրավապահ մարմիններում իր աղբյուրները։
Աղբյուրների փոխանցմամբ՝ 44-ամյա օպերատորի մարմնին 5 վիրավորում է եղել, որոնցից 3-ը՝ գլխին։ Նա մահացել է հուլիսի 19-ի գիշերը։ Հուլիսի 20-ի երեկոյան նրա դին գտել էր որդին։ Դեպքի վայրում այս պահին աշխատում են քննիչները։ Կատարվածի հանգամանքները պարզվում են, փոխանցում է RNS–ը։