Խորենացի փողոցում իրավիճակը հուլիսի 22-ին, կեսգիշերից հետո հանգիստ է, մի քանի հարյուր անձինք շարունակում են մնալ փողոցում։
Ինչպես հայտնում է NEWS.am-ի թղթակիցը, մերթընդմերթ թեթեւ միջադեպեր են լինում, որոնք, սակայն, արագորեն հարթվում են։
Երեկոյան նաեւ կարգավորվել է ՊՊԾ գունդը գրաված խմբի սննդի հարցը, որը վերջին օրերին սրվել էր, իսկ երեկ էլ ոստիկանների եւ ցուցարարների բախման պատճառ էր դարձել։ Ցուցարարների շրջանում խոսում են, որ սննդի հարցը կարգավորվել է Արցախից Երեւան ժամանած գեներալ Վիտալի Բալասանյանի միջնորդությամբ։
Նշենք, որ քիչ առաջ ՊՊԾ գնդի կողմից հրավառություն եղավ։ «Ժառանգություն» կուսակցության ներկայացուցիչ Դավիթ Սանասարյանի փոխանցմամբ, հրավառության հեղինակը «Սասնա ծռեր» խումբն էր, որն այդկերպ ողջունում էր Խորենացի փողոցում հավաքված բազմությանը։