N-24-ը, վկայակոչելով ականատեսների, գրում է, որ Մյունխենի կենտրոնական հրապարակներից մեկում՝ Կառլսպլացում, կրակոցներ են հնչում:
«Ես կրակողի տեսագրությունն ունեմ, նա շատ տարօրինակ հագնված տղամարդ էր»,- հեռուստաալիքի եթերում հայտարարել է դեպքի ականատես մի աղջիկ: Նրա խոսքով՝ տանից դուրս է եկել հեծանիվով, բայց կրկին տուն է վերադարձել:
Միջադեպի այլ մանրամասներ չեն հաղորդվում: Ըստ ՌԻԱ Նովոստիի՝ ոստիկանությունը դեռեւս չի հաստատել կրակոցների մասին լուրը:
Հիշեցնենք, որ ավելի վաղ կրակոցներ էին հնչել Մյունխենի «Օլիմպիա» առեւտրի կենտրոնում: Ոստիկանությունը հաղորդել է զոհերի եւ վիրավորների մասին: Իսկ Կառլսպլացը գտնվում է այս առեւտրի կենտրոնից 5.5 կմ հեռավորությամբ:
