Երեւանի Խորենացի փողոցում իրավիճակն կեսգիշերին մոտ հանգիստ է։
NEWS.am-ի թղթակիցը հայտնում է, թե քիչ առաջ ելույթ են ունեցել «Հիմնադիր խորհրդարանի» անդամ Ալեք Ենիգոմշյանն ու ԱԺ պատգամավոր Նիկոլ Փաշինյանը։
Վերջինս կրկին նշել է, թե թույլ չի տալու ալկոհոլ օգտագործած անձանց գտնվել տարածքում։ Նա նշել է, թե անձամբ կանխելու է սադրանքի բոլոր փորձերը՝ դրա համար օգտագործելով նախկինում բանտում ստացած հմտությունները։
Փաշինյան նաեւ առաջարկել է ամեն օր ժամը 20-ից 22-ը հավաքվել Խորենացի փողոցում։ Ըստ Փաշինյանի, համակարգչի առջեւ նստելն ու լայքելը աջակցություն են Սերժ Սարգսյանին, ուստի պետք է հավաքվել փողոցում։
Այժմ ցուցարարների թիվը փոքր-ինչ նվազել է, ոստիկանությունը շարունակում է կազմ ու պատրաստ հսկել Խորենացի փողոցը։ Տարածքում նաեւ հոգեւորականներ կան, որոնք զրուցում են ցուցարարների հետ։
Ի դեպ, բանախոսները որեւէ տեղեկություն չհայտնեցին կամ չունեին ՊՊԾ գնդում գտնվող զինված խմբի մասին։