Մյունխենի ոստիկանությունը հաստատել է քաղաքի տարբեր շրջաններում իրականացված հրաձգության հետեւանքով 6 զոհի մասին տեղեկությունը: Այս մասին գրում է ՌԻԱ Նովոստին:
«Ցավոք, ներկայում կարող ենք փաստել 6 զոհի մասին»,- Twitter-ում գրել է ոստիկանությունը:
Քաղաքի ոստիկանության ներկայացուցիչը լրագրողներին նաեւ ասել է, որ հրաձգությանը 3 մարդ է մասնակցել: CNN-ի հաղորդմամբ, նրանք փախուստի են դիմել: «Ենթադրում ենք, որ նրանք դեռեւս քաղաքում են»,- ասել է նա:
Իշխանությունները տեղի ունեցածը որպես «ահաբեկչական հարձակում» են որակել:
