Մյունխենում հրաձգություն կազմակերպած հանցագործներից մեկը նպատակաուղղված կրակել է երեխաների վրա: Այս մասին հաղորդում է CNN-ը՝ վկայակոչելով ականատեսների:
Ըստ ՌԻԱ Նովոստիի՝ լրագրողների ուշադրության կենտրոնում է հայտնվել McDonald՛s-ի հարեւանությամբ տեղի ունեցած դրվագը: Այցելուներից մեկի խոսքով՝ անհայտ տղամարդը մտել է հաստատության զուգարան, լիցքավորել զենքը, այնուհետեւ փողոց դուրս եկել եւ կրակ բացել մարդկանց ուղղությամբ՝ թիրախավորելով երեխաներին:
Հեռուստաալիքի փորձագետներից մեկն իր հերթին կարծիք է հայտնել, որ հանցագործը կրակել է 9 մմ-անոց ատրճանակից:
Վերջին տվյալներով, գերմանական Բավարիայի մայրաքաղաքում իրականացված հրաձգության հետեւանքով 6 մարդ է զոհվել: