Գերմանիայի ՆԳ նախարար Թոմաս դե Մեզիերն արձակուրդի նպատակով ԱՄՆ մեկնելու ճանապարհին որոշել է վերադառնալ՝ կապված Մյունխենում իրականացված հրաձգության հետ: Այս մասին գրում է Gazeta-ն՝ վկայակոչելով Reuters-ը:
Հաղորդվում է, որ դաշնային կանցլերի գրասենյակի աշխատակիցները հանդիպել են՝ գնահատելու Մյունխենում տիրող իրավիճակը, սակայն կանցլեր Անգելա Մերկելը հանդիպմանը ներկա չի եղել:
Մյունխենում արտակարգ դրության ռեժիմ է սահմանվել:
Հուլիսի 22-ի երեկոյան Մյունխենի «Օլիմպիա» առեւտրի կենտրոնում անհայտ անձը կրակ է բացել մարդկանց ուղղությամբ: Հրաձգություն է իրականացվել նաեւ քաղաքի այլ վայրերում: Նախապես լրատվամիջոցները հաղորդում էին 15 զոհի մասին, սակայն ներկայում ոստիկանությունը հաստատել է միայն 8 զոհի մասին տեղեկությունը: