Գերմանիայի ԱԳ նախարար Ֆրանկ-Վալտեր Շթայնմայերը հաղորդել է, որ Մյունխենի առեւտրի կենտրոնում իրականացված հրաձգության շարժառիթները դեռեւս պարզ չեն: Այս մասին գրում է Gazeta-ն՝ վկայակոչելով Reuters-ը:
«Այդ սարսափելի գործողության շարժառիթները դեռեւս ամբողջությամբ պարզ չեն: Մենք հակասական փաստեր ունենք»,- ասել է պաշտոնյան:
Ավելի վաղ Գերմանիայի կանցլերի աշխատակազմի ղեկավար Պետեր Ալթմայերը լրագրողներին տեղեկացրել էր, որ առայժմ չի կարելի Մյունխենում տեղի ունեցածն ահաբեկչության հետ կապել:
Հուլիսի 22-ի երեկոյան Մյունխենի «Օլիմպիա» առեւտրի կենտրոնում անհայտ անձը կրակ է բացել մարդկանց ուղղությամբ: Լրատվամիջոցները նախապես հաղորդում էին 15 զոհի մասին, սակայն ոսստիկանությունը ներկայում հաստատել է միայն 9 զոհի մասին: