Նիսում հարձակման նախօրեին ոստիկանությունն ու քաղաքի իշխանությունները որոշել էին չզննել մարդկանց, որոնք կգան Անգլիական ափին հրավառությունը դիտելու, քանի որ անձնակազմի քանակը սահմանափակ է եղել, գրում է Wall Street Journal-ը:
«Անվտանգության ուժերի, ոստիկանության եւ տեղական իշխանությունների ներկայացուցիչները ուսումնասիրել, իսկ հետո մերժել էին տոնական հրավառությանը ականատես լինել ցանկացողներին զննելու գաղափարը, քանի անձնակազմի քանակը սահմանափակ է եղել»,- գրում է պարբերականը՝ վկայակոչելով այն հանդիպումների նյութերը, որոնց ժամանակ քննարկվել է այդ հարցը:
Ավելի վաղ Նիսի քաղաքապետ Ֆիլիպ Պրադալը Sputnik-ի հետ զրույցում ասել էր, որ հուլիսի 15-ի առավոտյան ինքը Էստրոզիի հետ Ֆրանսիայի ՆԳ նախարար Բեռնար Կազնեւին, վարչապետ Մանուել Վալսին եւ նախագահ Ֆրանսուա Օլանդին հայտնել էր, որ երկար ժամանակ ոստիկանական ուժերի պակաս է զգացվում, որը երբեք չի լրացվում:
Հիշեցնենք, որ հուլիսի 14-ին Նիսի կենտրոնում Մուհամեդ Բուհլելը բեռնատարով մխրճվել էր մարդկանց բազմության մեջ: Դրա հետեւանքով զոհվել է 84 մարդ, այդ թվում Հայաստանի քաղաքացի, ավելի քան 100-ը վիրավորում է ստացել:
