Մյունխենի հրաձգությունից հետո ոստիկանության գործողություններին առնվազն 2.3 հազար իրավապահ է մասնակցել:
«Քաղաքի ոստիկանապետ Հուբերտուս Անդրեն երախտագիտություն է հայտնում 2300 իրավապահներին նրանց համարձակության եւ նվիրվածության համար»,- ասված է Մյունխենի ոստիկանության Twitter-ի էջում:
Նշենք, որ ուրբաթ երեկոյան զինված անձը կրակ էր բացել «Օլիմպիա» առեւտրային կենտրոնի մոտ: Հարձակման հետեւանքով 9 մարդ է մահացել, 16-ը տեղափոխվել է հիվանդանոց: Ոստիկանները հայտնել են, որ կրակողը եղել է 18-ամյա իրանցի: Հարձակումից հետո նա հայտնվել է քաղաքացիական պարեկային ծառայության աշխատակիցների կրակի տակ: Ավելի ուշ ոստիկանները հայտնաբերել են հարձակվողի մարմինը: Ոստիկանության տվյալներով, հրաձիգը գործել է միայնակ եւ հավանական է, ինքնասպան է եղել:
