Ոստիկանությունը խուզարկել է բնակարանը, որտեղ ծնողների հետ ապրում էր Մյունխենի հրաձգության մեջ կասկածվողը, հայտնում է Bild-ը:
Հաղորդվում է, որ բնակարանի գրոհը տեղի է ունեցել կասկածյալի ծանոթների ցուցումով, որոնք նրան ճանաչել են տեսագրության կադրերից: Խուզարկությունը տեղի է ունեցել ոստիկանությանն այդ մասին հայտնելուց 3 ժամ անց:
«Նա ապրում էր անմիջապես իմ հարեւանությամբ: Ես նրան երբեմն տեսել եմ, բայց չեմ ճանաչել: Իմ ընկերը նրա համադասարանցին էր եւ ասում է, որ նախկինում նա հանգիստ մարդ է եղել»,- ասել է ենթադրյալ հրաձիգի հարեւանը:
Կասկածյալի բնակարանը գտնվում է Մյունխենի կենտրոնական թաղամասում՝ Մաքսֆորշթադթում:
Նշենք, որ ուրբաթ երեկոյան զինված անձը կրակ էր բացել «Օլիմպիա» առեւտրի կենտրոնի մոտ: Հարձակման հետեւանքով 9 մարդ է մահացել, 21-ը տեղափոխվել է հիվանդանոց: Նրանցից 3-ի վիճակը գնահատվում է ծանր: Ոստիկանները հայտնել են, որ կրակողը եղել է 18-ամյա իրանցի: Հարձակումից հետո նա հայտնվել է քաղաքացիական պարեկային ծառայության աշխատակիցների կրակի տակ: Ավելի ուշ ոստիկանները հայտնաբերել են հարձակվողի մարմինը: Ոստիկանության տվյալներով, հրաձիգը գործել է միայնակ եւ հավանական է, ինքնասպան է եղել:
