Մյունխենի հրաձգության մեջ կասկածվողի անունն է Դավիդ Ս., փոխանցում է Spiegel պարբերականը՝ չբացահայտելով ոչ տեղեկատվության աղբյուրը, ո՛չ էլ կասկածյալի մասին այլ մանրամասներ:

Ավելի վաղ Bild-ը հայտնել էր, որ շաբաթ օրը գիշերը ոստիկանությունը խուզարկություն է կատարել քաղաքի կենտրոնական շրջանում գտնվող բնակարանում, որտեղ կասկածյալն ապրել է ծնողների հետ: Բնակարանի գրոհը տեղի ունեցել նրա ծանոթների տեղեկատվությունից հետո, որոնք նրան ճանաչել են հանցագործության վայրից տեսաձայնագրություններում: Պարբերականի տեղեկություններով՝ կասկածյալի հայրը բերվել է ոստիկանական վարչություն:

Նշենք, որ ուրբաթ երեկոյան զինված անձը կրակ էր բացել «Օլիմպիա» առեւտրի կենտրոնի մոտ: Հարձակման հետեւանքով 9 մարդ է մահացել, 21-ը տեղափոխվել է հիվանդանոց: Նրանցից 3-ի վիճակը գնահատվում է ծանր: Ոստիկանները հայտնել են, որ կրակողը եղել է 18-ամյա իրանցի: Հարձակումից հետո նա հայտնվել է քաղաքացիական պարեկային ծառայության աշխատակիցների կրակի տակ: Ավելի ուշ ոստիկանները հայտնաբերել են հարձակվողի մարմինը: Ոստիկանության տվյալներով, հրաձիգը գործել է միայնակ եւ հավանական է, ինքնասպան է եղել: