Թուրքիայում ազատ են արձակել 1.2 հազար զինվորականի, որոնք ձերբակալվել էին պետական հեղաշրջման փորձի հետ կապի կասկածանքով: Այս մասին գրում է «Ինտերֆաքս»-ը՝ վկայակոչելով տեղի դատախազության աղբյուրին:
Նշվում է, որ հեղաշրջման փորձի հանգամանքների հետաքննության ընթացքում երկրի իշխանություններն առաջին անգամ են ազատ արձակում մեծ թվով ձերբակալվածների, որոնց նկատմամբ կասկածները չեն արդարացվել:
Հաղորդվում է նաեւ, որ զինվորականների մեծ մասը շարքային են:
Ավելի վաղ Թուրքիայի ՆԳ նախարար Էֆքան Ալան հայտարարել էր, որ հեղաշրջման փորձից հետո իշխանությունները շուրջ 11 հազար քաղաքացիների անձնագրերն ուժը կորցրած են ճանաչել, իսկ Թուրքիայի կրթական բարձրագույն խորհուրդն արգելել է երկրից հեռանալ բուհերի պրորֆեսորների եւ դասախոսների: