Չինաստանում այս շաբաթ ջրհեղեղի հետեւանքով 112 մարդ է զոհվել, 91-ն անհետ կորած է համարվում: Այս մասին գրում է Lenta-ն՝ վկայակոչելով Associated Press-ը:
Ջրհեղեղն առաջացել է հորդառատ անձրեւների հետեւանքով: Ամենաշատը տուժել է Հեբեյ նահանգը, որտեղ 72 զոհ կա, 78 մարդ անհետ կորել է: Միայն Սինթայ քաղաքում 25 մարդ է զոհվել:
«Սինխուա» գործակալությն փոխանցմամբ՝ նահանգում, ընդհանուր առմամբ, տարերային աղետի հետեւանքով 8.55 մլն մարդ է տուժել, 298.5 հազար բնակիչ տարհանվել է, 49 հազար շինություն փլուզվել է, 106.37 հազար շինություն էլ՝ լրջորեն վնասվել: Բացի այդ, հեղեղվել է 707.4 հազար հեկտար մակերեսով գյուղատնտեսական նշանակության հողատարածք:
Նահանգի իշխանությունները 141 մլն յուան (շուրջ 1.4 մլրդ ռուբլի) են հատկացրել՝ տարերքից առավելապես տուժած շրջաններին, այդ թվում՝ Շիցզյաչժուան, Սինթայ եւ Հանդան քաղաքներին օգնելու համար: Այդ շրջաննեեր նաեւ հազար վրան, 2 հազար ծածկոց, 600 զույգ ռետինե երկարաճիտ կոշիկ եւ 20 գեներատոր է ուղարկվել: