Քաբուլում կատարված ահաբեկչության հետեւանքով զոհվածների թիվը հասել է 80-ի, վիրավորները 231-ն են, հայտնում է «ՌԻԱ Նովոստին»՝ վկայակոչելով Աֆղանստանի ներքին գործերի նախարարությունը:
Նախարարությունում հայտնել են, որ պայթյունը կազմակերպել էին երեք մահապարտ ահաբեկիչներ: Նշում են, որ մեկին հաջողվել է «շահիդի գոտին» գործի դնել, երկրորդի պայթուցիկ սարքը չի աշխատել, իսկ երրորդին ոչնչացրել են իրավապահ մարմինները:
Ավելի վաղ Աֆղանստանի իշխանությունները հայտարարել էին, որ Քաբուլում պայթյունի հետեւանքով զոհվել է 61, վիրավորվել 207 մարդ:
Նշում են, որ պայթյունի համար պատասխանատավություն է ստանձնել «Իսլամական պետություն» խմբավորումը: