Իրանի ատոմային էներգիայի հարցերով կազմակերպության ղեկավար Ալի Ակբար Սալեհին հայտարարել է, որ Թեհրանը ու Մոսկվան մոտ են Ռուսաստանին 40 տոննա ծանր ջուր վաճառելու մասին համաձայնագրի ստորագրմանը, հայտնում է IRNA գործակալությունը:
«Ձեռնարկվել են վերջին քայլերը Իրանում արտադրված 40 տոննա ծանր ջուրը Ռուսաստանին վաճառելու համար, շուտով կստորագրվի համաձայնագիրը»,- մեջբերում է Սալեհիին գործակալությունը:
Կազմակերպության ղեկավարի տեղակալ Բեհրուզ Կամալվանդին մոտ ապագայում հնարավոր է ուղեւորություն կկատարի Մոսկվա, որտեղ ռուսական կողմի հետ կքննարկեն այս հարցով արդյունքների ամփոփումը: Կա վարկած, որ ռուսական պատվիրակությունը կժամանի Իրան, նշել է Սալեհին:
Իրանական միջուկային ծրագրի շուրջ գործողությունների համընդգրկուն համատեղ ծրագրի կատարման շրջանակում Իրանին արգելված չէ ծանր ջրի արտադրությունը, բայց սահմանված է ծանր ջրի այն քանակը, որը թույլատրված է պահել երկրի տարածքում: Ըստ ծրագրի՝ Իրանում հիմա չպետք է լինի 130 տոննա ծանր ջրից ավելին:
Ջրի արտադրությունն ինքնին վտանգավոր չէ, բայց քանի որ դրա գործածումը ուղղակիորեն կապակցված է ծանրաջրային ռեակտորների տեխնոլոգիայի զարգացման հետ, իրանական միջուկային ծրագրի այդ տարրերի նկատմամբ պահպանվում է մշտադիտարկում, հայտնում է «ՌԻԱ Նովոստին»: