News
Լրահոս
News
Ուրբաթ
Մարտ 29
Տեսնել լրահոսը

Շուրջ 170 ժամ է անցել Երեւանի Խորենացի փողոցում տեղի ունեցած միջադեպից, որտեղ զինված խումբը գրոհով վերցրել է ոստիկանության ՊՊԾ գունդը։

Գիշերը Խորենացի փողոցում հանգիստ ու խաղաղ է անցել, այս պահին փողոցի այդ հատվածում քիչ մարդ կա, նրանք արեւածագը դիմավորել են Խորենացի փողոցում։ «Նոր Հայաստան» շարժումը գիշերային հերթապահություն է սահմանել, այս գիշեր հերթապահել է «Ժառանգություն» կուսակցության ներկայացուցիչ Արմեն Մարտիրոսյանը։

Նախօրեին երեկոյան կրկին Խորենացի փողոցը բազմամարդ էր, որոնք եկել էին իրենց աջակցությունը հայտնելու ոստիկանության ՊՊԾ գունդը գրաված զինված խմբին: Այստեղ ելույթ են ունեցել ԱԺ պատգամավոր Նիկոլ Փաշինյանը եւ «Հիմնադիր խորհրդարանի» անդամ Ալեգ Ենիգոմշյանը: Փաշինյանը հայտարարել է, որ գործընթացները կառավարելու բոլոր լիազորությունները զիջում է Ալեգ Ենիգոմշյանին, իսկ ինքն ու իր կուսակիցներն այլեւս չեն լինի հարթակում։

Ենիգոմշյանն իր հերթին հայտարարել է, որ ռեժիմը դիմել է կեղծիքի, թե իբր «Սասնա Ծռեր» խումբը որոշել են զենքերը վայր դնել։ Նա նաեւ նշել է, որ ինքը եւս ներկա է եղել Ժիրայր Սեֆիլյանի հետ հանդիպմանը եւ ու Վիտալի Բալասանյանը խեղաթյուրել է նրա խոսքը, թե վերջինս հրաժարվել է Սերժ Սարգսյանի հրաժարականի պահանջից։

Հիշեցնենք, որ հուլիսի 23-ին «Սասնա ծռեր» խումբը ազատ էր արձակել իրենց մոտ պահվող չորս պատանդներին, այդ թվում՝ փոխոստիկանապետ Վարդան Եղիազարյանին, Երեւանի փոխոստիկանապետ Վալերի Օսիպյանին։ Զինված խմբի անդամները նաեւ մամուլի ասուլիս էին տվել, լրագրողների հարցերին պատասխանել էր նաեւ Արցախի ԱԺ պատգամավոր Վիտալի Բալասանյանը, որը վերջին օրերին ակտիվորեն միջնորդական առաքելություն էր իրականացնում։

Բալասանյանը, սակայն, այլեւս զրկված է միջնորդական առաքելության հնարավորությունից, Սեֆիլյանի վերաբերյալ նրա հայտարարությունները զայրացրել էին «Սասնա ծռեր» խմբին եւ բողոքի ակցիայի կազմակերպիչներին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հաց բերողի» վերաբերյալ փորձաքննության կեղծ եզրակացություն տալու վարույթով նախաքննությունն ավարտվել է. ՔԿ
Փորձագիտական հանձնաժողովի հիշյալ անդամներն, իրենց տրամադրության տակ ունենալով Արթուր Սարգսյանի բժշկական փաստաթղթերի տվյալները, անտեսելով…
Պավլիկ Մանուկյանը ՔԿՀ-ից տեղափոխվել է հիվանդանոց
Ազատամարտիկ Պավլիկ Մանուկյանը «Նուբարաշեն» ՔԿՀ-ից…
«Սասնա ծռեր»-ի անդամներից Արմեն Բիլյանը երկու շաբաթ է հացադուլի մեջ է. նա 2 պահանջ ունի
Առողջական խնդիրների արդյունքում ՔԿՀ-ն պարբերաբար փորձաքննություն է անում…
Կոչ եմ անում «Սասնա ծռեր» խմբավորմանը՝ մեղսակիցը չդառնալ զինակից ընկերոջ անհիմն և անարդար դատապարտմանը. Ենիգոմշյան
Այն փաստը, որ «Սասնա ծռեր» խմբավորման գործը «վերաքննող» «դատարանը», 8 ամիսների անգործությունից և երեք կազմ փոխելուց հետո ընդամենը մի քանի օրերի...
Վերաքննիչ դատարանն անփոփոխ թողեց ՊՊԾ գնդի գրավման գործով առաջին ատյանի որոշումը
Անփոփոխ թողեց ՊՊԾ գնդի գրավման գործով…
Այստեղ չպատժվեն, երկնքում 100 տոկոս կպատժվեն. սպանված ոստիկանի կինը՝ «Սասնա ծռերի» գործով վճռի մասին
Ամենադաժանն այն է, որ տղաները հողի տակ են, իրենք ազատ…
Ամենաշատ