90 տարեկանում մահացել է Շվեդիայի նախկին վարչապետ Թուրբյորն Ֆելդինը, որը երկրի կառավարությունը գլխավորել է 70-ական թվականներին։ Նա Կենտրոնի կուսակցության առաջնորդն է եղել, հաղորդում է շվեդական SVT հեռուստաալիքը։

Քաղաքական գործիչը մահացել է հուլիսի 23-ի երեկոյան։

Ֆելդինը ծնվել է 1926 թվականի ապրիլի 24-ին։ Նա Կենտրոնի կուսակցության առաջնորդն է եղել 14 տարի՝ 1971-1985 թվականներին։ Շվեդիայի կառավարությունը գլխավորել է 1976-ին եւ երկրի պատմության մեջ մտել է որպես առաջին պահպանողական վարչապետ։ Նա կառավարությունը գլխավորել է երկու անգամ՝ 1976-1978 եւ 1979-1982 թվականներին։