Նեպալի վարչապետ Հադգա Փրասադ Օլին խորհրդարանի կողմից անվստահության քվե հայտնելու հարցով քվեարկությունից կարճ ժամանակ առաջ հրաժարական է ներկայացրել: Նշվում է, որ նա, ամենայն հավանականությամբ, կպարտվեր:
Ըստ AP-ի՝ Օլիի կառավարությունն այս ամսվա ընթացքում կորցրել է մեծամասնության աջակցությունը, երբ Մաոիստների կուսակցությունը լքել է կոալիցիան՝ վարչապետին մեղադրելով իշխանության բաժանման մասին համաձայնագրին հետեւելու ունակություն չունենալու մեջ:
Ազգային հեռուստաալիքով ելույթի ընթացքում Օլին հայտարարել է, որ ստիպված էր հրաժարական տալ՝ հետագա քաղաքական անկայունությունից խուսափելու համար:
