Արաբական միացյալ էմիրություններում Careem ավտոմեքենաների ամրագրման ծառայությունը հայտարարել է NEXT Future Transportation Inc.-ի հետ համաձայնագրի ստորագրման մասին, որի շրջանակում ընկերությունը պատրաստվում է Մերձավոր Արեւելքի եւ Հյուսիսային Աֆրիկայի իր ավտոպարկում ավելացնել առանց վարորդի էլեկտրամեքենա՝ անհատական օգտագործման համար, նաեւ համանման մի քանի մոդուլներով էլեկտրաավտոբուսներ՝ որպես հասարակական փոխադրամիջոց: Այդպիսի փոխադրամիջոցի յուրաքանչյուր պարկուճում կտեղավորվի մինչեւ 6 նստած եւ 10 կանգնած ուղեւոր:

Ավելի վաղ ԱՄԷ վարչապետ, Դուբայի կառավարիչ Մուհամմեդ բեն Ռաշիդ ալ Մակտումը հայտնել էր, որ 2030–ին Դուբայում տրանսպորտային միջոցների 25 տոկոսը պետք է լինի «խելացի» եւ անվարորդ։