Հայաստանի ԱԻՆ-ում, հուլիսի 24-ին, ժամը 23.33-ին ահազանգ է ստացվել, որ Երեւանի Նորագավիթի ՃՈ հենակետի մոտակայքում տեղի է ունեցել ավտովթար՝ հրդեհի բռնկումով. կան տուժածներ:
Դեպքի վայր է մեկնել մեկ մարտական հաշվարկ:
Պարզվել է, որ Արտաշատի խճուղում «Toyota Camry» մակնիշի 37 QT 837 համարանիշի ավտոմեքենան (վարորդի տվյալները չի հաջողվել պարզել) բախվել է ՃՈ հենակետի կայանատեղիում կայանված «Hyundai Sonata» մակնիշի 37 AM 837 համարանիշի ավտոմեքենային (վարորդի տվյալները չի հաջողվել պարզել), ինչի հետեւանքով տուժել են Գ. Ն.-ն եւ Մ. Ա.-ն: Վերջիններս տարբեր աստիճանի մարմնական վնասվածքներով տեղափոխվել են «Էրեբունի» ԲԿ: Բժիշկները տուժածների առողջական վիճակը գնահատել են միջին ծանրության:
Փրկարարները դադարեցրել են «Toyota Camry» մակնիշի ավտոմեքենայի վառելիքի արտահոսքը եւ կատարել ճանապարհի լվացման աշխատանքներ:
Մինչ փրկարարների կանչի վայր հասնելը՝ ավտոմեքենաները հոսանքազրկվել են տեղի ուժերով:
