Մալայզիայի հարավային Ջոհոր նահանգի ափերի մոտ նավակ է շրջվել, ութ մարդ է զոհվել, եւս 20–ը անհետ կորած է համարվում, գրում է Star–ը:
Դեպքը կատարվել է տեղական ժամանակով մոտ ժամը 22:00-ին, նավակում 62 ինդոնեզացի կար: Հնարավոր պատճառներից են համարվում ուժեղ ալիքները, նաեւ շարժիչի հետ խնդիրները: Այս պահի դրությամբ փրկվել է 34 մարդ:
Պարբերականը նշում է, որ զոհվածների շրջանում մեկ հղի կին կար: Այս պահին որոնողական գործողություններ են իրականացվում: Փրկված ուղեւորներին տեղափոխել են իմիգրացիայի հարցերով տեղի բաժանմունք:
Իմիգրացիոն բաժանմունքի տնօրեն Ջոհոր Ռոհայզի Իբրահիմի խոսքով ենթադրվոմ է, որ ուղեւորները փորձել են երկրից հեռանալ արգելված ճանապարհով, որպեսզի վերադառնան Ինդոնեզիա: Փրկվածներից միայն երեքի մոտ են հայտնաբերվել փաստաթղթեր, մեկի մոտ դրանք ժամկետնանց էին: Նա նաեւ նկատել է, որ իշխանությունները դիմել են Ինդոնեզիայի հյուպատոսարան, որպեսզի սկսեն փաստաթղթերի նախապատարստումը հետագա գործողությունների համար, այդ թվում ինդոնեզացիների արտահանձնման համար:
