Հնդկաստանի կառավարությունը մտադիր է խորհրդակցություններ սկսել 13 ազգային նավթային ընկերությունները մեկ միասնական պետական կորպորացիայում միավորելու հարցով, գրում է The Economic Times–ը՝ վկայակոչելով իր աղբյուրները։
Դրանց տեղեկություններով՝ այս պահին Հնդկաստանի նավթի նախարարությունը գնահատում է 13 պետական ընկերությունների հնարավոր միաձուլման հեռանկարը։ Այդ գաղափարը քննարկվում էր դեռ 2005–ին, բայց այդ ժամանակ հանձնաժողովը նպատակահարմար չէր համարել դրա իրականացումը։
Հաղորդվում է, որ նոր ընկերության շուկայական արժեքը կարող է ավելի բարձր լինել, քան ռուսական «Ռոսնեֆտինը»։ Միայն 6 առաջատար հնդկական ընկերությունների գումարային շուկայական արժեքը կազմում է 77 մլրդ դոլար, իսկ «Ռոսնեֆտինը»՝ 55 մլրդ դոլար։