Երեւանում ՊՊԾ գնդի գրավումը հայ հասարակության շրջանում դժգոհության դրսեւորումն էր։ Այս մասին հուլիսի 25-ին լրագրողներին ասել է հոգեբան Սամվել Խուդոյանը։
Նրա խոսքով՝ այդ իսկ պատճառով անգամ նրանք, ովքեր ՊՊԾ գունդը գրաված զինված խմբի անդամներին մեղադրում են ահաբեկչության մեջ, համակրանքով է մոտենում նրանց։ «Ժողովուրդը նրանց ազատամարտիկներ է համարում, այդ պատճառով էլ նրանց ավելի շատ զինված խումբ են կոչում։ Նրանց մեջ տեսնում են ժողովրդական դժգոհության մարմնավորումը։ Այդ դժգոհությունը տարիներով կուտակվում էր եւ ուժեղացել էր Ղարաբաղում ապրիլյան իրադարձություններից հետո։ Իշխանությունները պետք է հասկանան. եթե նրանք չկարողանան ժողովրդին համոզել, որ կաշառակերության դեմ պայքարը գործում է, դժգոհությունն ավելի ուժեղ կբռնկվի, իսկ բախումները կարող են ավելի զանգվածային դառնալ»,– ասել է Խուդոյանը։