Գերմանիայի կանցլեր Անգելա Մերկելը իր երկրի համար այս դժվար ժամանաակներից անսպասելիորեն դուրս է գալիս վարկանիշային հաղթանակով: Չնայած դեռ բաց է մնում այն հարցը, թե որքանով ամուր կլինի բնակչության աջակցությունը այն բազմաթիվ մարտահրավերների պայմաններում, որոնց հետ գերմանացիները ստիպված են բախվել, գրում է Politico թերթը:
Վերջերս՝ մինչեւ բավարական հրաձգությունը կատարված հարցումների շարքը ցույց է տվել, որ Մերկելը մեծ հաջողությամբ կարողացել է վերականգնել այն դիրքերը, որոնք կորցրել էր միգրացիոն ճգնաժամի ամենաթեժ պահին: Այսպես, Deutschlandtrend -ի ամենամսյա հարցման արդյուքներով հուլիսին կանցլերի քաղաքականությանը հավանություն է տալիս հարցման մասնակիցների 59 տոկոսը, իսկ դա ամենաբարձր ցուցանիշն է 2015-ի սեպտեմբերից սկսած:
Մերկելի լիդերությունը մասամբ բացատրվում է նաեւ նրանով, որ գերմանացի ընտրողները պահպաննողական են ու վախենում են փոփոխություններից, սակայն հարցումների այս արդյունքները այնուամենայնիվ զարմանք են առաջացնում, հաշվի առնելով այն քննադատությունները, որին կանցլերը ենթարկվում էր սիրիացի փախստականների հադեպ «բաց դռների» քաղաքականություն որդեգրելու համար:
Բայցեւայնպես վերջին իրադարձությունները գերմանացիների շրջանում վախ են սերմանում, որը Մերկելի համար թե առավելություն է, թե աքիլլեսյան գարշապար, նշվում է հոդվածում: Բռնության բռնկումը ՝ հրաձգությունը Մյունխենում, հղի կնոջ սպանությունը սիրիացի փախստականի կողմից Շտուտգարտում, պայթյունը Անսբախում՝ ռեստորանի մոտ (ու այդ ամենը Գերմանիայի նորագույն պատմության ամենաարյունոտ շաբաթներից մեկի ընթացքում) երկրի բնակիչների համար դարձել է խիստ հիշեցում Գերմանիային շրջապատող միջավայրի անկայունության մասին, հայտնում է «ՌԻԱ Նովոստին»: