Գերմանիայի քրեական ոստիկանության տվյալներով՝ երկրում գտնվող 410 միգրանտ կապ ունի ահաբեկիչների հետ, հայտնում է Neue Osnabrücker Zeitung–ը։

Պարբերականը նշում է, որ փախստականների թիվը, որոնց կասկածում են ահաբեկչության մեջ, մեծանում է։ Մայիսի կեսին նրանց թիվը 369 էր։

Բացահայտված դեպքերից 60-ի գործով քրեական ոստիկանությունը հետաքննություն է վարում։ Ընդ որում, 2.5 ամիս առաջ հետաքննվում էր միայն 40 նման դեպք։

Նախօրեին սիրիացի փախստականը Գերմանիայի Ռոյթլինգ քաղաքում մաչետեով հարձակվել էր մի խումբ մարդկանց վրա, ինչի հետեւանքով զոհվել էր մեկ հղի կին, եւ վիրավորվել 5 մարդ։ Հարձակումը տեղի էր ունեցել մի քանի օր անց այն բանից հետո, երբ Մյունխենում 18-ամյա գերմանաբնակ իրանցին հրաձգություն էր սկսել՝ սպանելով 9 մարդու։ Դրանից առաջ 17-ամյա աֆղանցին Բավարիայում կացնով հարձակվել էր ուղեւորատար գնացքի վրա։