Չինաստանի Կենտրոնական զինվորական խորհրդի նախագահի նախկին տեղակալ, գեներալ-գնդապետ Գո Բոսյունը ցմահ ազատազրկման է դատապարտվել՝ սեփական բռնագրավմամբ: Նրան մեղադրում են կաշառք ստանալու մեջ: Այս մասին գրում է Սինխուա գործակալությունը:
Դատարանը նրան զրկել է քաղաքական իրավունքներից, ինչպես նաեւ զինվորական կոչումից: Բացի այդ, ձերբակալվածի՝ ապօրինաբար յուրացրած միջոցներն ու գույքը պետական գանձարան են փոխանցվել:
South China Morning Post-ի փոխանցամբ՝ Գո Բոսյունն ընդհանուր առմամբ շուրջ 12.3 մլն դոլարի կաշառք է ստացել:
Պարզվել է, որ Գո Բոսյունը ծառայողական դիրքն օգտագործել է՝ այլ անձանց կարիերայի առաջընթացին նպաստելու համար: Այդ նպատակով նա անձամբ կամ ազգականների միջոցով խոշոր չափերի հասնող կաշառք է վերցրել: Նա ընդունել է մեղքը:
