Եվրոպական երկրներն իրենք են մեղավոր ահաբեկչության սպառնալիքի համար, որին վերջին շրջանում բախվում են: NBC-ին տված հարցազրույցում այս մասին հայտարարել է ԱՄՆ նախագահի թեկնածու Դոնալդ Թրամփը:
Ըստ RT-ի՝ խոսելով, մասնավորապես, այն խնդիրների մասին, որոնց Ֆրանսիան եւ Գերմանիան ստիպված են եղել բախվել, միլիարդատերը նշել է, որ «իրենք են մեղավոր», քանի որ «տարիներ շարունակ մարդկանց թույլ են տվել իրենց երկրներ ժամանել»: «Այդ պատճառով էլ Brexit-ը տեղի ունեցավ: Մեծ Բրիտանիան հայտարարեց, որ հոգնել է այդ ամենից»,- ասել է Թրամփը:
«Մենք պետք է խելացի, ուժեղ եւ զգոն լինենք: Եվ ես ռադիկալ ստուգումներ եմ ուզում: Դա դաժան բառ է, բայց մենք պետք է խիստ լինենք: Եթե մարդը չի կարողանում ապացուցել այն, ինչ իրենից պահանջվում է, չպետք է այս երկիր գա: Ես սիրիացի փախստականներին երկու վայրկյանում կկանգնեցնեմ»,- հայտարարել է Դոնալդ Թրամփը:
