Ֆլորիդայի երեք բնակիչների դավադրության եւ «Իսլամական պետություն» ահաբեկչական խմբավորմանը սատարելու մեղադրանք է առաջադրվել: Այս մասին հաղորդում է Breaking 911-ը:
Մեղադրանքների համաձայն՝ նրանց մինչեւ 20 տարի ժամկետով ազատազրկում է սպառնում:
Մասնավորապես, մեղադրյալներից մեկը ՀԴԲ-ի աշխատակիցներին պատմել է, որ ծրագրում էր Սիրիա մեկնել՝ ԻՊ-ին միանալու եւ ջիհադին մասնակցելու համար: Նա նաեւ զենք եւ հրահանգներ է տրամադրել իր համախոհներին, որոնք նույնպես պատրաստվել են հեռանալ երկրից եւ միանալ ԻՊ-ին:
Մեղադրյալները պատրաստվում էին Սիրիա մեկնել Գերմանիայի եւ Թուրքիայի տարածքով, բայց Մայամիի օդանավակայանում ձերբակալվել են:
