Պենտագոնը հերքել է պնդումներն այն մասին, որ «Իսլամական պետություն» ահաբեկչական խմբավորման զինյալներն ամերիկյան ռազմական օդանավ են խոցել: Այս մասին հաղորդում է Breaking 911-ը:
«Տեղեկությունն այն մասին, որ Անբարի մերձակայքում ԱՄՆ-ի ռազմաօդային ուժերի օդանավ է խոցվել, չի համապատասխանում իրականությանը»,- հայտարարել են Պենտագոնում:
ԻՊ-ի համար աշխատող Amaq գործակալությունը հուլիսի 25-ին հաղորդել է, որ Իրաքի Անբար նահանգի Այն ալ-Ասադ բազայից ոչ հեռու ամերիկյան ռազմական օդանավ է խոցվել: Ըստ գործակալության՝ օդանավի անձնակազմի անդամները զոհվել են:
