ԱՄՆ-ում 35 տարվա ազատազրկման է դատապարտվել խոշորագույն թմրաբարոններից մեկը, հայտնում է «Ասոշիեյթիդ փրես» գործակալությունը:
Կոլումբացի Դանիել Բարերա Բարերան, որը հայտնի է որպես «Խելագար» (El Loco), զբաղվում էր կոկաինի մաքսանենգությամբ: Դատավոր Գրեգորի Վուդսը մերժել է Բարերայի պատիժը մեղմացնելու մասին դատապաշտպանի խնդրանքը՝ հաշվի առնելով, որ «Խելագարը» աջակցում էր քննությանը, մյուս թմրադիլերներին հանձնվելու կոչ էր արել ու ազատ արձակել առեւանգվածներին:
Բացի պատիժը կրելուց թմրաբարոնը պետք է 20 մլն դոլարի չափով տուգանք վճարի:
Դատախազների տվյալներով Բարերան մոտ 720 տոննա կոկաին է տեղափոխել Կոլումբիայից ԱՄՆ ՝ չորս մայրցամաքներում թմրադեղերի տարածման խոշոր գործողության շրջանակում: Բարերան խոստովանել է, որ 1998-2011 թթ. տարեկան 400 տոննա կոկաին է տարածել: