Սիրիացի փախստականը ու լեհուհին, որին նա Ռոյթլինգենում մաչետեով սպանել էր, նույն ռեստորանում էին աշխատում ու սիրեկաններ էին, հայտնում են լեհական լրատվամիջոցները ՝ վկայակոչելով Ռոյթլինգենի ոստիկանությունն ու դատախազությունը:
Ողբերգությունը տեղի է ունեցել Ռոյթլինգենի ավտոբուսի կայարանում ՝ հուլիսի 24-ին: Կնոջ հետ վիճելուց հետո երիտասարդը հարձակվել է նրա վրա մաչետեով ու մահացու վիրավորում հասցրել:
Ոստիկանությունը ձերբակալել է հարձակվողին, պարզվել է, որ դա 21-ամյա փախստական է Սիրիայից: Իրավապահ մարմինների տվյալներով, տղամարդը մենակ է գործել:
Լեհաստանի ԱԳՆ-ն հաստատել է, որ զոհվածը լեհուհի էր: Bild պարբերականը հայտնել է, որ կինը հղի էր:
Լեհական լրատվամիջոցները հայտնում են, որ 45-ամյա կինը ու նրա սիրեկանը աշխատում էին նույն ռեստորանում, փոխանցում է «ՌԻԱ Նովոստին»: