Ընդդիմադիր իսլամական քարոզիչ ֆեթուլահ Գյուլենը, որին Թուրքիայի իշխանությունները մեղադրում են ձախողված պետհեղաշրջման փորձը կազմակերպելու մեջ, Թուրքիայի նախագահ Ռեջեփ Թայիփ Էրդողանին մեղադրել է բռնապետական ռեժիմի ձգտելու մեջ: Այս մասին Գյուլենը գրել է New York Times թերթի սյունակում:
«Թուրքիայում ռազմական հեղաշրջման փորձի ժամանակ ես այն վճառականորեն դատապարտել եմ: Կառավարությունը պետք է հաղթի խաղաղ ճանապարհով, ազատ ու արդար ընտրությունների, ալ ոչ թե ուժի միջոցով»,- գրել է Գյուլենը: «Այդուհանդերձ՝ Թուրքիայի նախագահ Էրդողանը, որը հետզհետե դառնում է ավտորիտար իշխանության ավելի մեծ կողմնակից, անհապաղ ինձ մեղադրեց խռովությունը կազմակերպելու մեջ»,- հավելել է քարոզիչը:
«Էրդողանի մեղադրանքները զարմանալի չեն՝ թե դրանք, թե իմ մասին նրա ասածները ապացուցում են, որ նա վտանգավոր ձգտում ունի դեպի միանձնյա կառավարում»,- համարում է Գյուլենը:
Նա նորից կոչ է արել իրեն չարտահանձնել Թուրքիային, որտեղ նրան արդար դատաստան չի սպասվում: Բացի դրանից, նա Էրդողանին մեղադրել է ԱՄՆ-ին շանտաժի ենթարկելու մեջ: «Թուրքիայի նախագահը շանտաժի է ենթարկում ԱՄՆ-ին, սպառնալով ԻՊ-ի դեմ պայքարում նվազեցնել իր աջակցությունը միջազգային կոալիցիային», գրում է Գյուլենը:
«Չայած ապացույցների ու արդար դատավարության հնարավորության բացակայությանը՝ նա մտադիր է հասնել նրան, որ ինձ արտահանձնեն»,- գրում է քարոզիչը:
Գյուլենը նաեւ հիշեցրել է արմատական իսլամի դեմ իր դիրքորոշման մասին. «Իմ փիլիսոփայությունը՝ համընդգրկուն ու բազմակարծիք իսլամը, որը նվիրված է ցանկացած հավատքին մարդու ծառայությանը, հակասում է զինված ապստամբությանը»,- շեշտել է նա, փոխանցում է «ՌԻԱ Նովոստին»: