Ֆրանսիայի նախագահ Ֆրանսուա Օլանդը ճանապարհվել է Ռուանի արվարձան, որտեղ հուլիսի 26-ի առավոտյան երկու անհայտ չարագործներ եկեղեցի էին մտել ու մի քանի մարդու պատանդառել, հայտնում է «Ֆրանս Փրես» գործակալությունը:
Ժամը մոտ 09:45-ին երկու անհայտ անձ, զինված դանակներով, Սենթ Էտյենն դյու Ռուվրեի եկեղեցում հինգ մարդու են պատանդառել: Նախնական տվյալներով, ոստիկանությանը հաջողվել է չեզոքացնել չարագործներին: Պատանդներից առնվազն մեկը, ըստ երեւույթին հոգեւորականը, զոհվել է, մյուսը ծայրահեղ ծանր վիճակում է:
Դեպքի վայր է ժամանել նաեւ Ֆրանսիայի ներքին գործերի նախարար Բերնար Կազնեւը:
Ռուանը Ֆրանսուա Օլանդի ծննդավայրն է: