Նիսում տեղի ունեցած ահաբեկչության գործի հետաքննության շրջանակում եւս 2 տղամարդ է ձերբակալվել, որոնց կասկածում են թունիսցի Մոհամմեդ Բուհլելի հետ կապի մեջ: Reuters-ը, վկայակոչելով հետաքննության մոտ կանգնած աղբյուրի, գրում է, որ կասկածյալների լուսանկարները հայտնաբերվել են Բուհլելի բջջային հեռախոսում:
Հիշեցնենք, որ Նիսում հուլիսի 14-ին տեղի ունեցած ահաբեկչության հետեւանքով 84 մարդ է զոհվել: Մոհամմեդ Բուհլելը բեռնատարով մխրճվել է մարդկանց ամբոխի մեջ՝ ձգտելով հնարավորինս երկար տարածք անցնել եւ ավելացնել զոհերի թիվը: Ոստիկանությունը ոչնչացրել է նրան:
Ավելի վաղ ֆրանսիական իշխանություններն ահաբեկչությանը մասնակցություն ունենալու կասկածանքով 5 անձի էին ձերբակալել, այդ թվում՝ մեկ կնոջ: