Պավել Մանուկյանին ու որդուն այս պահին վիրահատում են: Այդ մասին Facebook-ի իր էջում գրել է ոստիկանության լրատվության վարչության պետ Աշոտ Ահարոնյանը։
Նա նաեւ կոչ է արել ձեռնպահ մնալ չճշտված տեղեկություններ տարածելուց:
«Էրեբունի» բժշկական կենտրոնից էլ NEWS.am-ին հայտնել են, թե իրենց մոտ տեղափոխված վիրավորներին վիրահատում են: Հիվանդանոցից, սակայն, հրաժարվեցին նրանց վնասվածքների վերաբերյալ տեղեկություն հայտնել:
Նշենք, որ Ահարոնյանն ավելի վաղ հայտնել էր, թե գնդի տարածքում իրավապահներին են հանձնվել զինված խմբի անդամներ Գագիկ Եղիազարյանն ու Արամ Հակոբյանը: Նրա խոսքով, տեղի է ունեցել փոխհրաձգություն, որի հետեւանքով վիրավորվել է իրավապահներից մեկը, ինչպես եւ Պավել Մանուկյանն ու նրա որդի Արամը: «Երեքն էլ անմիջապես տեղափոխվել են հիվանդանոց:
Հրաձգությունը դադարել է եւ ընթանում են բանակցություններ՝ զինված անձանց հանձնվելու գործընթացը ավարտին հասցնելու համար»,- գրել էր Ահարոնյանը։
