Չինաստանում ՝ Խայնան նահանգում գրանցվել է այս տարվա ընթացքում երրորդ Մարինաե մրրկահողմը ՝ ստիպելով իշխանություններին փոթորկի նախազգուշացում հայտարարել, հայտնում է «Սինհուա» գործակալությունը:
Մրրկահողմի ժամանակ քամու առավելագույն արագությունը 100 կմ/ ժ էր: Հայտնում են, որ փոթորկի նախօրեին ավելի քան 25 հազար ձկնորսական նավեր են ծովից նավահանգիստ վերադարձել: Նաեւ դադարեցվել է ուղեւորատար նավերի նավարկությունը Խայնան ու Գուանդուն նահանգների միջեւ:
Հայտնում են, որ մրրկահողմն իր հետ փոթորկային քամի ու հորդառատ անձրեւներ էր բերել Խայնան կղզի, Լեյչժոու թերակղզի, Գուանդուն նահանգ ու Գուանսի- Չժունայան ինքնավար շրջան:
