Մեքսիկայի Նայարիտ նահանգում ձերբակալել են «Խալիսկո՝ նոր սերունդ» հզոր թմրակարտելի պարագլուխներից մեկին, այս մասին հայտնել է լատինաամերիկյան երկրի դաշնային ոստիկանության հետաախուզության ծառայության տնօրեն Դանիել Կանալեսը, փոխանցում է «ՌԻԱ Նովոստին»:
Նրա խոսքով, Ֆլորես Սիլվան՝ «Այգեպան» մականունով անմիջական առնչություն ունի 2015-ի ապրիլին Խալիսկոյում ոստիկանական ջոկատի վրա կատարված ավազակային հարձակման հետ, որի հետեւանքով սպանվել էին 15 ու վիրավորվել 5 ոստիկաններ:
Ձերբակալված «Այգեպանը» նաեւ պատասխանատու էր Նայարիտում կարտելի գործունեության համար, համակարգելով այդ նահանգում թմրանյութերի արտադրությունը , փոխադրումը ու վաճառքը:
«Խալիսկո՝ նոր սերունդը» պայքարում է Մեքսիկայի մի շարք նահանգներում թմրաթրաֆիկի վրա հսկողություն սահմանելու համար: Կարտելը բարձրաձայնեց իր մասին Գվադալախարա քաղաքում անցած տարվա մայիսին ձեռնարկած ռազմական գործողություններով: Այդ ժամանակ նրանք նույնիսկ ռազմական օդանավ էին խոցել , ինչի հետեւանքով ութ մարդ էր զոհվել:
