«Ուկրաինսկայա պրավդա» պարբերականի ղեկավար եւ համահիմնադիր Ալյոնա Պրիտուալան առաջին անգամ մեկնաբանել է լրագրող Պավել Շերեմետի սպանությունը։
«Ես գիտակցաբար հավասարության նշան եմ դնում նրանց միջեւ, որ ովքեր պայթեցրել են նրան եւ ովքեր վերջին երեկոյան թունավորել են նրա կյանքը։ Այդպես չի կարելի։ Պետք է վերջ դնել Ֆեյսբուքում ատելությանն ու թույնին։ Դա սպանություն է բառերով»,– գրել է նա Facebook–ում։
Պրիտուլան վստահություն է հայտնել, որ սպանության մեղավորները կհայտնաբերվեն եւ կպատժվեն։
Ավելի վաղ Ուկրաինայի ՆԳ նախարար Արսեն Ավակովը հայտնել էր, որ ոստիկանությունը մոտ 200 հազար գրիվնա կվճարի տեղեկության համար, որը կօգնի լրագրող Պավել Շերեմետի սպանության հետաքննության գործին։
Շերեմետը մահացել էր հուլիսի 20-ին մեքենայում տեղադրված պայթուցիկի պայթյունից։
