Երեք օր առաջ Տավուշի մարզում կորած 82-ամյա բնակչին դեռ չեն գտել:
Նշենք, որ հուլիսի 26-ին, ժամը 12.42-ին տեղեկատվություն է ստացվել, որ ս.թ. հուլիսի 24-ին Տավուշի մարզի Չինչին գյուղի 1-ին փողոցի թիվ 38 տան բնակիչ 82-ամյա Խ. Կ.-ն դուրս է եկել տնից եւ այլեւս չի վերադարձել:
Դեպքի վայր է մեկնել մեկ մարտական հաշվարկ:
Փրկարարների եւ ոստիկանության աշխատակիցների կողմից իրականացվում են որոնողական աշխատանքներ:
Փրկարարները «Գյուրջինանց յալը» կոչվող հանդամասում մոտ 10 կմ շառավղով իրականացրել են որոնողական աշխատանքներ:
Որոնողական աշխատանքներին մասնակցել են 16 ոստիկան եւ 20 տեղի բնակիչ:
Ժամը 20.18-ին մթության պատճառով որոնողական աշխատանքները դադարեցվել են:
Այսօր՝ հուլիսի 27-ին, ժամը 08.00-ին դեպքի վայր են մեկնել 10 փրկարար եւ ՔՊ ուժերի հավաքական կենտրոնի Ներքին Կարմրաղբյուրի խմբից 20 ծառայող:
