ՀՀ մարդու իրավունքների պաշտպանի աշխատակազմը շարունակում է աշխատել շուրջօրյա ռեժիմով. այս պահի դրությամբ օմբուդսմենի հանձնարարությամբ աշխատակազմի ներկայացուցիչներն այցելել են ՀՀ ԱՆ «Դատապարտյալների հիվանդանոց» քրեակատարողական հիմնարկ եւ ՀՀ Ոստիկանության Երեւան քաղաքի վարչության Ձերբակալված անձանց պահման վայր:
Ավելի վաղ ՄԻՊ-ի գրասենյակից հայտնել էին, որ Մարդու իրավունքների պաշտպանի աշխատակազմ ահազանգեր էին ստացվել գիշերը Խորենացի փողոցից բերման ենթարկվածների մասին: Ահազանգ է եղել նաեւ այն մասին, որ բերման ենթարկվածների թվում անչափահաս կա, սակայն այդ տեղեկությունը չի հաստատվել:
Պաշտպանի աշխատակազմն ահազանգերի հիման վրա իրականացնում են համապատասխան գործողություններ:
