ԱՄՆ–ն կասեցրել է Սիրիայի բնակիչներին հումանիտար օգնություն մատակարարելու ծրագիրը միջնորդների կողմից յուրացումների եւ խարդախությունների կասկածանքի պատճառով, գրում է The Washington Post–ը՝ վկայակոչելով ԱՄՆ միջազգային զարգացման գործակալությունը։
Պարբերականի տվյալներով՝ գործակալությունը 116 բողոք է ստացել Սիրիա ուղարկված բեռների գողության եւ դրանց փոխանակման մասին։ Դրա պատճառով հետ են կանչվել 239 մլն դոլար արժողությամբ պայմանագրեր։
«Չնայած մեր բարի նպատակներին, վատ մարդիկ օգտվել են բարդ իրավիճակից՝ հանուն սեփական շահի՝ սիրիացիներին զրկելով ուտելիքից, հագուստից, դեղորայքից եւ այլ անհրաժեշտ իրերից»,– ասել է USAID–ի գլխավոր տնօրեն Էն Քալվարեզի Բարը։