Ղազախստանի կրթության նախարարությունը վերացրել է այն սահմանափակումները, ըստ որոնց երկրում գործատուները աշխատանքի ընդունելիս չէին ճանաչում կրթության մասին փաստաթղթեը, որոնք ԵՏՄ մյուս երկրներն են տրամադրել, հայտնում է ԵՏՀ մամուլի ծառայությունը:
Հաղորդագրության մեջ ասվում է, որ ԵՏՀ-ն իրավաբանական անձանցից բողոքներ է ստացել Ղազախստանում աշխատանքի ընդունվելիս ԵՏՄ երկրների տրամադրած կրթական փաստաթղթերը չընդունելու մասին: ԵՏՄ մասին պայմանագրի այն կետը, ըստ որի նման դիպլոմները պետք է ճանաչվեն, Ղազախստանում գործում էր միայն 2015-ի հունվարի 1–ից՝ այսինքն Պայմանագրի ուժի մեջ մտնելուց հետո ստացած փաստաթղթերի վերաբերյալ:
Հիմա արդեն ԵՏՄ երկրների քաղաքացիների կրթական փաստաթղթերի ընդունմանը վերաբերող խոչընդոտները վերացվել են: ԵՏՄ տարածքում ԵՏՄ բոլոր անդամ երկրների տրամադրված կրթության մասին փաստաթղթերի ընդունումը Միությունում աշխատանքային ռեսուրսների միասնական շուկայի ձեւավորման կարեւորագույն պայմաններից մեկն է, որը ամրագրված էր ԵՏՄ մասին պայմանագրով:
