Հայաստանի նախագահի եւ ընդհանուր առմամբ իշխանությունների լռությունը լրատվամիջոցներին չէր հուշում, թե ինչպես լուսաբանել ՊՊԾ գնդի գրավումը։ Այս մասին հուլիսի 27-ին ասել է Խոսքի ազատության պաշտպանության կոմիտեի նախագահ Աշոտ Մելիքյանը։
«Նախագահի խոսքը կամերտոն կլիներ հեռուստաընկերությունների համար, իսկ նա մի քանի օր լռում էր։ Այդ պատճառով չիմանալով, թե ինչպես վարվել՝ հեռուստատեսությունը հայտնում էր միայն այն, ինչ ստանում էր պաշտոնական աղբյուրներից՝ Ոստիկանությունից եւ ԱԱԾ–ից»,– նշեց Մելիքյանը։
Միաժամանակ նա խոստովանեց, որ առցանց լրատվամիջոցներն ավելի ազատ են արտահայտել իրենց կարծիքը, սակայն նրանց ռեսուրսները սահմանափակ են։
