Հայ հասարակությունը քննարկում է ոչ միայն զինված ակտիվիստների մարդկային որակները, այլ նաեւ այն, թե արդյոք նրանք իրավունք ունեն խախտել օրենքը։ Այս մասին հուլիսի 27-ին ասել է Խոսքի ազատության պաշտպանության կոմիտեի նախագահ Աշոտ Մելիքյանը։
«Մարդիկ իրենց հարցնում են, թե ճի՞շտ են արել պետական հաստատության վրա հարձակվելով եւ մարդ սպանելով։ Այլ խոսքով՝ այդ թեման հասարակության դիսկուրսում է։ Սակայն մարդկանց մեծ մասը հիշում է եւ այն, թե ինչպես է իրեն պահել եւ պահում Ոստիկանությունը ցուցարարներին ձերբակալելիս, ինչպես է ծեծում եւ ստորացնում նրանց տեղամասերում։ Այդ պատճառով ՊՊԾ գունդը գրաված մարդկանց ահաբեկիչ չեն համարում։ Չէ՞ որ պետությունը ժամանակին բնակչությանը քիչ տեռորի չի ենթարկել»,– ասել է Մելիքյանը եւ հավելել, որ մարդկանց մտահոգում է այն, որ զինված խումբն օրենք է խախտել։ Այլ բան է, թե որքանով է այդ տեսակետը հայտնվում լրատվամիջոցներում։
