Կրեմլը համարում է, որ «Թուրքական հոսք» նախագծի շուրջ բանակցությունների վերականգնումը «նպատակահարմարության հարց» է, իսկ դրա իրականացումը մեծամասամբ կախված է քաղաքական վստահությունից: Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»:
«Սա նպատակահարմարության, առեւտրային պայմանների ու քաղաքական վստահության մթնոլորտի հարց է, որն էլ հենց լավագույն երաշխիքն է գրավիչ տնտեսական պայմաններ ստեղծելու համար: Դրա համար էլ սա համալիր հարց է, բայց անկասկած ոչ ոք չի խուսափում այս նախագծի քննարկումից, ու բոլորը շահագրգռված են նրանով, որ քննարկեն տնտեսական գրավչության նպատակահարմարությանը վերաբերող հարցերը»,- հայտարարել է Պեսկովը:
Մամուլի քարտուղարը նաեւ նշել է, որ աշխատանքներ են իրականացվում տարբեր ուղղություններով: Պեսկովը հիշեցրել է, որ «Թուրքական հոսք» նախագծի իրականացման գործում առաջխաղացումների բացակայության պայմաններում «Գազպրոմ» պետական ընկերությունը նույնպես «ձեռքերը ծալած չի նստել» ու համաձայնագիր է կնքել եվրոպական ընկերությունների հետ
